20 мамырда гимназияда жыл сайынғы "Жас гимназия мұғалімі" байқауы өтті. Байқауға информатика пәнінің мұғалімі Жанадилов Тамерлан Абаевич, ағылшын тілі пәнінің мұғалімі Төлеу Фаина Қадырқызы және Мусина Асемгуль Ерболовна қатысты.
Жас мамандар алдын-ала екі сырттай кезеңнен өтті - "ашық сабақ" және заманауи педагогика мен әдістеме мәселелері бойынша тестілеу. Бетпе-бет кезең визитканы, зияткерлік және шығармашылық байқауды қамтыды.
Байқаудың жанкүйерлері тек гимназия мұғалімдері ғана емес, сонымен қатар педагогикалық құзыреттілікті қалыптастыру орталығында оқитын №6 және №11 мектеп жас мамандары болды.
Байқаудың қорытындысы бойынша "Жас гимназия мұғалімі-2024" бас жүлдені А. Е. Мусина, "IQ ханымы" номинациясына Ф.Қ.Төлеу, "Шығармашыл және креативті " номинациясына Т. А. Жанадилов ие болды.
Гимназияның жас мамандарын құттықтаймыз!