1 қазанда Мәлік Ғабдуллин атындағы №3 мектеп-гимназиясы мен №5 «Таңдау» көпсалалы мектеп-гимназиясының француз тілін үйреніп жүрген оқушылары Франция елшілігінің білім беру жөніндегі атташесі Грета Коммюр-Тиллуамен кездесті.

Кездесу жылы әрі ашық атмосферада өтті.
Марсельге сапарға барған қатысушылардың әңгімелері ерекше қызығушылық тудырды 🇫🇷. Ашимова Ильнара (10 «В»), Қағира Аружан (11 «В»), Сайлаубаева Азель (11 «В») және Климошенко Софья (11 «В») өз әсерлерімен бөлісіп, саяхаттың жарқын сәттері, француз мәдениетімен танысуы және құрдастарымен қарым-қатынасы туралы айтып берді.
Француз тілі мұғалімі Таукелова Аида Каировна да өз тәжірибесімен бөлісіп, сапар, халықаралық білім беру бастамалары және осындай жобалардың оқушылар үшін маңызы туралы баяндады.
Мұндай кездесулер оқушыларды француз тілін үйренуге ынталандырып, дүниетанымын кеңейтуге, Франция мәдениетімен танысуға және жаңа мүмкіндіктерге батыл қадам басуға шабыттандырады!
Осындай тамаша кездесу үшін рақмет! 🇫🇷